Portuqaliya polisi etiraz düşərgəsini dağıdıb, saxlanılanlar var

Portuqaliya polisi ölkədə mənzil böhranının ağırlaşmasına etiraz əlaməti olaraq Lisabonun mərkəzində qurulan düşərgəni dağıdıb.

Bu barədə Reuters yazır, "Avropa həqiqəti" xəbər verib.

Məlumata görə, oktyabrın 25-nə keçən gecə onlarla polis Rossi meydanındakı düşərgəyə daxil olub. Onlar etirazçıları xəbərdar edib ki, palatıqları özləri götürməsələr, söküləcək.

Etirazçılar oktyabrın 24-də baş tutan aksiyadan sonra minlərlə insanın Lisabonun əsas prospektlərindən birini keçməsi ilə 100-dən çox palatka qurublar.

Portuqaliya polisi şəhər mərkəzindəki düşərgəni dağıdıb və "tabe olmamaq" ittihamı ilə 25 nəfəri saxlayıb.

Sonradan saxlanılanlar buraxılıb, amma qeyd olunur ki, onlar oktyabrın 26-da məhkəməyə çağırılacaq.

Etirazçılar bildirirlər ki, kirayə haqqının sürətlə artması və həyat xərclərinin qalxması ailələr üzərində təzyiq yaradır. Mənzil məsələsi getdikcə daha ciddi narazılıq mənbəyinə çevrilir, ən çox gənclər əziyyət çəkir.

Portuqaliya Bankının qiymətləndirməsinə görə, ölkədə 300 min ev çatışmır ki, bu da bütöv Lisabon mənzil fonduna bərabərdir.

Etirazçılar hökumətdən yeni kirayə müqavilələrində kirayə məhdudiyyətlərinin ləğvini və çıxarış prosedurunun sadələşdirilməsini nəzərdə tutan qanun layihəsini geri çağırmağı tələb edir.

Xatırladaq ki, oktyabrın 20-də Portuqaliyanın Lisabon və Portu şəhərlərində mənzil qiymətlərinin artmasına qarşı keçirilən aksiyalar zamanı qalan palatkalar polis tərəfindən yığılmışdı.