Polşalılar Trampın siyasətini ölkələrinin maraqlarına zidd sayır

ABŞ prezidenti Donald Trampın siyasətini Polşanın maraqları baxımından 66,5 faiz polşalı mənfi qiymətləndirir.

Bu nəticə Rzeczpospolita nəşri üçün IBRiS tərəfindən keçirilmiş sorğunun nəticələrindən görünür, "Avropa həqiqəti" qeyd edib.

Respondentlərdən soruşublar ki, Trampın siyasəti Polşanın maraqlarına xidmət edirmi. 36,9 faiz "tamamilə yox" cavabı verib, 29,6 faiz isə "daha çox yox" cavabını seçib.

15 faiz sorğulananlar "daha çox bəli" cavabını, 4,4 faiz isə "tamamilə bəli" cavabını verib.

14,1 faiz respondent bu suala cavab verə bilməyib.

ABŞ prezidentinin siyasətinin Polşanın maraqlarına mənfi təsir etdiyini hökumət koalisiyasının seçicilərinin 87,2 faizi, müxalifətin 49 faizi və səs verməyənlərlə siyasi seçimini müəyyənləşdirməyənlərin 71,3 faizi qeyd edib.

Əks fikirdə olanlar müxalifətin 36,3 faizi, partiyalarda dəqiq üstünlükləri olmayan 7,9 faiz və hökumət koalisiyasına daxil olan partiyaların seçicilərinin 4,5 faizidir.

Xatırladaq ki, iyunun 3-də Polşa müdafiə naziri Vladislav Kosinyak-Kamış ABŞ müdafiə nazirinə Polşada yeni daimi ABŞ bazasının yaradılması barədə rəsmi təklif ünvanladığını bildirib.

İndi Polşa Trampdan vəd etdiyi Amerika hərbi bazasının yaradılmasını gözləyir. Prezident Karol Navrotski bildirib ki, nəzərdə tutulan obyekt "Fort Tramp" adlandırılacaq.