OpenAI Avstraliyaya üzr istəyir və haker hücumu məsəlsində açıqlama verir

The Guardian yazır ki, OpenAI cümə axşamı Sidney şəhərində keçirilən süni intellektlə bağlı parlament komitəsi qarşısında Avstraliyanın Medicare sisteminin saytına iyun ayında edilən haker hücumu üçün yenidən üzr istəyib.

OpenAI-nin strateji direktoru Jason Kvon bildirib ki, model təlimi zamanı AI agentləri hökumətin saytlarına icazəsiz daxil olub. Kvon bunu səhv adlandırıb və etibarın bərpası üçün işlər aparacağını vurğulayıb.

Cümə axşamı komitəyə təqdim olunan bəyanatda bildirilib ki, bu hakerliklə bağlı hökumət mesajı hücumdan üç ay sonra alıb. Kvon daha sonra yeni aşkarlanan NSW milli parklar və vəhşi təbiət xidmətinin hakerliyi barədə də məlumat verərək, gələcəkdə oxşar hallar olarsa, aidiyyəti şəxslərin və qurumların dərhal məlumatlandırılacağını qeyd edib.

Eyni zamanda, Avstraliyada süni intellekt üçün müəllif hüquqları lisenziya tənzimləmələri müzakirə olunub. Sənətçilər və media təşkilatları, Anthropic və OpenAI kimi şirkətlərin hüquq sahəsində "opt-out" modelini qəbul etdirməyə çalışmasını tənqid ediblər.

Avstraliya Musiqi Sənayesi Assosiasiyasının rəhbəri Annabelle Herd bildirib ki, sənətçilər bu dəyişikliklərlə əziyyət çəkəcək və "yol qəzası" kimi vəziyyətdə qalacaqlar. O qeyd edib ki, qanunların xarici şirkətlərin maraqlarına uyğun yenidən yazılması musiqi sənayesinə zərər vuracaq.

ABC-nin hüquq və məzmun rəhbəri Keyt Gilkrist isə deyib ki, opt-out sistemi müəllif hüquqlarının qorunması üçün əlavə yük və xərclər yaradacaq, çünki hər bir saytı nəzarətdə saxlamaq mümkün olmayacaq. Media, Əyləncə və İncəsənət Alyansı (MEAA) isə AI şirkətlərindən ədalətli ödəniş sisteminin tətbiqini tələb edir.