Lipetskdə pilotsuz təyyarə hücumunda adam yaralanıb, bir neçə evə ziyan dəyib

İqor Artamonov pilotsuz təyyarənin qalıqlarının poliklinika binasına ziyan vurduğunu da xəbər verib.

Moskvadan məlumat: Ukrayna pilotsuz təyyarəsinin Lipetskə hücumu zamanı mülki şəxs yaralanıb, bunu bölgə qubernatoru İqor Artamonov deyib.

"Lipetskin müxtəlif rayonlarında bir neçə fərdi və çoxmərtəbəli ev pilotsuz təyyarə hücumu nəticəsində ziyan görüb. 2001-ci il təvəllüdlü bir kişi yaralanıb. O, xəstəxanada tibbi yardım alır. Pilotsuz təyyarənin qalıqları poliklinika binasına da ziyan vurub. Hücum zamanı poliklinika bağlı idi və orada heç kim yox idi," - o, Max mesajlaşma proqramında yazıb.