Hindistan məhkəməsinin Google-un açar sözlü reklam təcrübələrinə dair son qərarı yenidən gündəmə gəlib. Qərar, rəqiblərin uzun müddətdir bu sistemi istifadə edərək müştəriləri özlərinə cəlb etməsi və şirkətləri markalarını qorumaq üçün əlavə vəsait xərcləməyə məcbur etməsi barədə fikirlərdən sonra diqqət çəkir.

Delhi Ali Məhkəməsi 22 may tarixində Hindware adlı hamam aksesuarı istehsalçısının ticarət nişanı mübahisəsi ilə bağlı qərar verib. Məhkəmə Google-un açar sözlü reklam təcrübələrinə görə ticarət nişanı pozuntusuna görə məsuliyyət daşıdığını təsdiqləyərək şirkətə təxminən 31,600 dollar məbləğində nominal təzminat təyin edib.

163 səhifəlik məhkəmə qərarında hakimi Mini Puşkarna Google-un axtarış platformasında reklam yerləşdirmədə sadəcə passiv vasitəçi olduğunu iddia etməsini rədd edib. Hakimin sözlərinə görə, Google AdWords platforması vasitəsilə Hindwarenin rəqiblərinə istifadəçilər marka üçün axtarış edərkən “Hindware” açar sözündən istifadə etmək imkanı verib.

Hakim bildirib: “Google, iddiaçı [Hindware] ticarət nişanını kommersiya məqsədilə heç bir icazə olmadan açar söz kimi satmaqla, Ticarət Nişanları Aktının 28-ci maddəsinə əsasən iddiaçının tək istifadə hüququnu pozur.”

Qərar cümə günü Hindistanlı sahibkarlar, o cümlədən “Zerodha”nın qurucusu Nitin Kamath və “Zoho”nun təsisçisi Sridhar Vembu tərəfindən açıq şəkildə dəkstək tapdıqdan sonra rəqiblərin uzun müddətdir Google-un reklam vasitələri ilə möhkəm markalardan trafiki yayındırdığı və şirkətləri adlarını qorumaq üçün əlavə vəsait sərf etməyə məcbur etdiyi müzakirə olunub.

Kamath “Zerodha”nın bu problemi on ildən çox yaşadığını bildirərək X platformasında yazıb

Google isə öz növbəsində bildirib ki, ticarət nişanı ilə bağlı Reklam siyasəti rəqib reklamçılara ticarət nişanı olan terminləri reklam mətnində istifadə etməyə icazə vermir və bu siyasət qlobal səviyyədə tətbiq olunur.

Google-un mətbuat katibi TechCrunch-a açıqlamasında deyib: “Biz fəaliyyətimizi yerli hüquqi çərçivələrə uyğunlaşdırmağa davam edəcəyik və istifadəçilərimizin uzunmüddətli mənafelərini qorumaq üçün ciddi standartlar saxlayırıq.”

Çin istisna olmaqla, ən çox internet istifadəçisi olan ölkə Hindistan Google üçün əsas bazardır. Buna görə də məhkəmənin bu qərarı axtarış və reklam bizneslərinə əhəmiyyətli təsir göstərə bilər.

Lakin hüquq ekspertləri qərarın ictimai reaksiya qədər geniş təsirinin olmaya biləcəyini deyirlər.

AZB & Partners şirkətindən tərəfdaş Aprajita Rana bildirib: “Qərar, platformaların avtomatlaşdırılmış vasitələrinin ticarət nişanlı terminləri reklamçılara geniş şəkildə təklif edib-etmədiyini yenidən gözdən keçirmələrini tələb edə bilər.”

Rana qeyd edib ki, qərarın Hindistanda onlayn platformaların məsuliyyətinə “geniş miqyasda təsiri” yoxdur, çünki məhkəmələr internet şirkətlərinin qanunsuz fəaliyyətə birbaşa cəlb olunması halında hüquqi müdafiədən məhrum ola biləcəyini artıq təsdiq edib.

“Bu işdə əsas məsələ onlayn platformalar və reklamçılar arasında gizli olan reklam seçimi prosesində belə ticarət nişanlı terminlərə çıxış imkanının platformaların iştirakçı fəaliyyəti sayılıb-sayıla bilməsidir,” Rana vurğulayıb.