Google "NotebookLM" adlı süni intellektlə gücləndirilmiş qeyd aparma tətbiqinə genişmiqyaslı yeniləmə təqdim edir. Bu tətbiqdə istifadə olunan Gemini 3.5 modeli istifadəçiyə daha dəqiq və etibarlı məlumatlar təqdim etməyə imkan verir.

2023-cü ildə istifadəyə verilmiş NotebookLM istifadəçilərə süni intellekt vasitəsilə notlarla və mənbələrlə qarşılıqlı əlaqə yaratmaq, eləcə də mövzular üzrə suallar vermək imkanı yaradır. Bu yeniləmə ilə Google bildirir ki, istifadəçilər artıq araşdırmalarına mövzu ilə bağlı suallar verərək başlaya bilərlər, bu məqsədlə əvvəlcə notları və ya YouTube videolarını idxal etmək tələb olunmur. NotebookLM, Google Axtarışından istifadə edərək əlaqəli mənbələri tapmağa kömək edir və vebdə faydalı resursları aşkar etmək üçün “kəşf” funksiyasını inkişaf etdirir.

Həmçinin, NotebookLM artıq Google-un agentən kodlaşdırma platforması Antigravity-də işləyir. Tətbiqdəki hər qeyd dəftəri "təhhlükəsiz bulud kompüteri" ilə əlaqələndirilir ki, bu da istifadəçiyə araşdırma zamanı kod yazmaq və işlətmək imkanı verir. NotebookLM məlumatları yeni formatlarda, o cümlədən PDF sənədləri, məlumat vizuallaşdırmaları (PNG, SVG), Nano Banana tərəfindən yaradılan şəkillər (PNG, JPG, GIF), Excel və PowerPoint faylları, CSV cədvəlləri və digər formatlarda təqdim edə bilir.

Bu yeniləmə hal-hazırda Google-un AI Ultra planı istifadəçiləri və Workspace müştəriləri üçün açıqdır, lakin şirkət gələcəkdə digər planlara da genişləndirməyi planlaşdırır.