«Gələcəkdən gəlmişik» filminin aktyoru 44 yaşında vəfat edib

"Gələcəkdən gəlmişik" filminin aktyoru Andrey Terentyev 44 yaşında vəfat edib.

Rusiyalı teatr və kino aktyoru Andrey Terentyev "Filin" serialı və "Gələcəkdən gəlmişik" filmi ilə tanınırdı. "Beşinci kanal" xəbər verir ki, o, 44 yaşında dünyasını dəyişib. Terentyev layihələrdə özünü parlaq göstərib və tamaşaçılar onu filmlər və seriallardakı rolları ilə yadda saxlayıblar.

"Andrey layihələrimizdə möhtəşəm oynayırdı. Tamaşaçılar onu "Reallaşdırma", "Məhkum", "Filin", "İmperiyanın qanadları", "Birinci şöbə", "Günəş istisi" və digər filmlərdəki rolları ilə tanıyırdı. Onun artıq bizimlə olmamasına inanmaq çətindir. Əbədi xatirə," – mənbədə bildirilib.

Terentyev 14 iyul 1982-ci ildə Almaniya Demokratik Respublikasının Neyştreltse şəhərində anadan olub. Aktyorluq sənətini məktəb illərində, Smolenskdə "Dialog" studiyasında öyrənməyə başlayıb. Sankt-Peterburq Teatr İncəsənəti Akademiyasında təhsil aldıqdan sonra antrepriz teatrlarında çalışıb. 2006-cı ildən kinolarda çəkilməyə başlayıb. 2008-ci ildə "Gələcəkdən gəlmişik" filmi yayımlandıqdan sonra geniş tanınma qazanıb.

Daha əvvəl rusiyalı televiziya aparıcısı Mixail Ponomaryov vəfat edib. "Vesti" proqramları ilə tanınan jurnalistin 57 yaşı vardı.