Avstraliya, ABŞ, Böyük Britaniya, Yeni Zelandiya və Kanadanın kiber kəşfiyyat agentlikləri "Five Eyes" çərçivəsində nadir bir birgə bəyanat yayaraq güclü süni intellekt modellərinin hökumətləri və biznesləri sıradan çıxara biləcəyini bildirdi və liderləri "indi tədbir görməyə" çağırdı.

Bəyanatda süni intellektin zamanla kibermüdafiəni yaxşılaşdıracağı deyilsə də, eyni zamanda kibertəhlükələrin sürətini, miqyasını və mürəkkəbliyini artırdığı qeyd olunub.

“İnkişaf etmiş süni intellekt modellərinin mövcud sənaye gözləntilərini aşması və həm hücum, həm də müdafiə kibercabilliklərini fundamental dəyişdirəcəyini gözləyirik. Zaman müddəti il yox, aydır,” - agentliklərin xəbərdarlığında deyilir.

Bəyanatda həmçinin kibertəhlükəsizlik dayanıqlığının biznes davamlılığı, bazar etimadı və uzunmüddətli dəyər üçün əsas olduğu vurğulanıb.

Kiber təhlükəsizlik agentlikləri süni intellekt modellərinin surətlə inkişafının pis niyyətli şəxslər üçün maneələri aradan qaldıracağını və hücumların sürətini və mürəkkəbliyini artıracağını bildirib.

“Bütün təşkilatı və cəmiyyəti əhatə edən cavab tədbirləri zəruridir,” xəbərdarlıqda qeyd olunub.

“Kiber risk sadəcə texniki məsələ kimi qəbul edilə bilməz. Bu, əsas biznes riski və rəhbərlik məsuliyyətidir.”

Bəyanatda heç bir süni intellekt modeli və ya şirkət adı çəkilməsə də, dünyada bir çoxları texnologiya şirkəti Anthropic-in inkişaf etdirdiyi güclü modellərə diqqət yetirir.

Anthropic-in yeni modellərindən biri olan Fable 5 daha çox istifadəçi üçün əlverişli olan Mythos-un təkmilləşdirilmiş versiyasıdır. Mythos isə bu il istifadəyə verilən, kibersistemlərdə zəiflikləri aşkar edə bilən güclü süni intellekt modelidir. Lakin onun istifadəsi bəzi təhlükə səbəbləri ilə yalnız yoxlanılmış təşkilatlarla məhdudlaşdırılıb.

ABŞ hökuməti iyun ayında milli təhlükəsizlik orqanlarının tövsiyəsinə əsasən, bu iki modelin "xarici vətəndaşlar" tərəfindən istifadəsini dayandırıb.

Sidneydəki ABŞ Araşdırmaları Mərkəzinin milli təhlükəsizlik və süni intellekt üzrə eksperti Olivia Şen dünyanın irəlidə çox sayda güclü süni intellekt modelinin meydana gələcəyinə işarə edib.

“Düşünürəm ki, gələcəkdə yeni Mythos və ya yeni Fable sürətlə ortaya çıxacaq,