Donald Tramp Kubaya İrandan qayıdış yolunda baxacaq

ABŞ prezidenti Donald Tramp İrandan qayıdış yolunda ABŞ-ın Kubaya baxacağını açıqlayıb. Dövlət katibi Marko Rubio kubada dəyişiklik tərəfdarlarını MKİ ilə birgə işləməyə dəvət edib.

Bu məlumatı Trampın Florida mitinqində dedikləri və Rubionun X şəbəkəsində paylaşdığı post əsasında Reuters verib.

Tramp birbaşa deyib: "Biz İrandan qayıdış yolunda Kubayla məşğul olacağıq və sonra işi başa çatdırmaq üçün Marko Rubionu ora göndərəcəyik".

Rubio Kubanın hakimiyyətindən narazı olanlara çağırıb ki, "istədikləri dəyişiklikləri MKİ ilə gizli əməkdaşlıq yolu ilə həyata keçirsinlər". O, əlavə məlumat verməyib.

Rubionun sözlərinə görə, "Kubada müsbət dəyişiklik arzulayanlar üçün indi ən yaxşı zamandır".

Reuters yazır ki, Rubio Tramp administrasiyasında Kubaya qarşı siyasəti faktiki olaraq idarə edir.

Tramp administrasiyası əvvəllər Kubada kommunist hökumətini dəyişdirməyi hədəflədiyini bəyan edib.

ABŞ ilin əvvəlində neft blokadası tətbiq edib, bu Kubanı çətin vəziyyətə salıb. Ölkədə yanacaq çatışmazlığı və elektrik kəsintiləri baş verir, infrastrukturun dağılması bu vəziyyəti ağırlaşdırır.

Vaşinqton Kubaya qarşı embarqonu 60 ildən çoxdur davam etdirir.

Tramp administrasiyası yanvarda Venesuela prezidenti Nikolas Maduro tutulan zaman Havananı daha da sıxıb.

Keçən ay Kubanın xarici işlər naziri BMT Baş Assambleyasında bildirib ki, Kuba Vaşinqtonla dialoqa açıqdır.

BMT-nin insan haqları ekspertləri neft blokadasını beynəlxalq hüququn pozuntusu elan edib. Hüquq müdafiəçiləri Tramp administrasiyasının təhdidlərini imperialist addımlar adlandırıb.

Keçən ay Tramp ABŞ və Kuba arasında anlaşma ola biləcəyini deyib. Onun fikrincə, hərbi güc işlətmək lazım olmayacaq.

Qeyd edək ki, 30 yanvarda Tramp Kubaya görə fövqəladə vəziyyət elan edib. Bu qərar Vaşinqtona Kuba ilə neft tədarükçülərinə rüsum qoymağa imkan verib.

1 fevralda Kubanın xarici işlər naziri Bruno Rodrigez ABŞ-la münasibətlərin gərginləşməsi ilə bağlı "beynəlxalq fövqəladə vəziyyət" elan edib.

Martda Tramp yenidən İrandan sonra diqqətini Kubaya yönəldə biləcəyini deyib. O, Kudadakıların anlaşma istədiyinə inanır.

Fevralın sonunda Tramp Kubanı "dostcasına işğal" edə biləcəyini söyləyib.