Dizayner Brandon Blackwood Nyu-York Bələdiyyə Başçısı Zohran Mamdaninin yeni yaratdığı Biznes Məsləhət Şurasına seçilib.

Şurada müxtəlif biznes sektorlarından 15 rəhbər iştirak edəcək. Onlar bələdiyyə başçısı ilə İqtisadi Ədalət üzrə müavin Julie Su ilə hər üç ayda bir görüşüb şəhərin növbəti iqtisadi inkişaf və innovasiya mərhələsini birlikdə müəyyənləşdirəcəklər. Şura üzvləri şəhərin müxtəlif sahələrinin inkişafı üçün lazım olan infrastruktur, istedadlar və tənzimləmələr barədə tövsiyələr verəcək.

Blackwood ilə yanaşı, Etsy şirkətinin baş direktoru Kruti Patel Goyal, aşpaz Markus Samuels, "New York Liberty"nin CEO-su Keia Klark, Chobani şirkətinin təsisçisi və CEO-su Hamdi Ulukaya, eləcə də bankçılar, səhiyyə rəhbərləri, biotexnologiya, maliyyə, əyləncə və media sahələrinin nümayəndələri şuranın üzvüdür.

Blackwood bildirib ki, Nyu-Yorkda iş qurmaq şəhərin ən böyük sərvətinin insanların olduğunu göstərib. Onların ambisiyası, yaradıcılığı və ideyalara cəsarətlə yanaşması ən böyük dəyərdir. O, Biznes Məsləhət Şurasına qoşulmaqdan şərəf duyduğunu, bələdiyyə başçısı Mamdani və digər üzvlərlə birlikdə şəhərin risk etməyə dəyər ideyaların gerçəkləşdiyi, fürsətlərin isə gələcəyi formalaşdıran insanlara açıq olduğu məkan olaraq qalmasını təmin etməyə çalışacağını vurğulayıb.

Zohran Mamdani əlavə edib ki, Bələdiyyə Sarayının qapıları hər zaman Nyu-Yorkun biznes liderlərinə açıqdır. Onların təcrübə və strateji rəhbərliyi ilə şəhərdə daha güclü və dinamik iqtisadiyyat qurulacaq. Bu şura maliyyə, texnologiya, həyat elmləri və digər sahələrdə gələcək nəsil liderləri bir araya gətirir.

Julie Su qeyd edib ki, şəhərin inkişafında önəmli rol oynayacaq sektorlarə diqqət yetiriləcək. Eyni zamanda, Nyu-Yorkda yetişən istedadların gələcəklərini məhz burada qurması üçün imkanlar yaradılacaq.