Boeing 737 MAX təyyarələrində təhlükəli proqram təminatı problemi aşkarlandı

News.ru yazır ki, ABŞ-ın Boeing korporasiyası 737 MAX təyyarələrinin proqram təminatında ciddi texniki problem tapıb. Söhbət pilotsuz idarəetmə sisteminin eniş zamanı düzgün işləməməsindən gedir.

Məsələ pilotsuz idarəetmə proqramının yenilənməsindən sonra ortaya çıxıb. Proqramın səhv işləməsi səbəbindən avtomatik naviqasiya sistemi qəzaya səbəb ola bilər. Xüsusilə təyyarənin ikinci dövrəyə qalması zamanı uçuş trayektoriyasından kənarlaşma riski mövcuddur.

ABŞ Mülki Aviasiya İdarəsi bu texniki problem barədə məlumat alıb və səbəbləri, problemin genişliyini araşdırır.

Əvvəl ABŞ-da Boeing 737 MAX təyyarələrinin konstruksiyasında çatlara görə genişmiqyaslı yoxlama aparılıb. Federal Aviasiya İdarəsi bildirib ki, ABŞ-da 471, dünyada isə ümumilikdə 1429 belə təyyarə yoxlanılıb. Yoxlamalar 737 MAX 8, 737 MAX 9 və 737-8200 modellərinə şamil olunub.

Bundan əvvəl ABŞ-da Amazon şirkətinə məxsus yükdaşıyan Boeing 767 təyyarəsi Mayami aeroportunun yaxınlığında qəza keçirib. Təyyarə enişdən sonra pistdən çıxaraq yanıb.