Almaniyanın paytaxtı Berlində bir kişi supermarketdə qadını girov götürüb. Berlin polisi genişmiqyaslı əməliyyata başlayıb və şənbə günü əməliyyat barədə açıqlama verib.

Polis bildirir ki, Berlindən cənubda, Marienfelde rayonundakı "Rewe" supermarketində kişi ilə əlaqə yaradılıb. Şübhəli polis tərəfindən zərərsizləşdirilib və girov azad edilib.

Berlin girov böhranının təfərrüatları

Polis əməliyyatın cümə günü təxminən saat 22:00-da başladığını bildirir. Hadisənin motivi hələlik müəyyənləşməyib.

Polis supermarket menecerinin silah gördüyü barədə və həmçinin qadının və ya girov alan şəxsin xəsarət alıb-almadığı haqda açıqlama verməyib.

"Rewe" supermarketində çalışan 22 yaşlı kişi dpa agentliyinə açıqlamasında cümə axşamı bazarın bağlanmasına yaxın vaxtlarda kişinin "çox böyük" bıçaq göstərdiyini deyib. Kişi həmkarı ilə marketdən qaçaraq polislərə məlumat verib.

İşçi qadının da marketdə çalışdığını, "sadəcə səhv vaxtda səhv yerdə" olduğunu bildirib.

Polis kişinin açıqlamasını təsdiqləməyib.

Sosial mediada paylaşılan videolarda silahlı polislərin supermarketin girişində qoruyucu geyimdə olduğu görünür.

Hadisə yerinin yaxınlığında insanlar toplaşıb, küçədə bir neçə polis və təcili yardım maşını var, ərazi mühafizə altına alınıb.

Videolardan birində polis zabiti binanın divarına söykənmiş nərdivana qalxaraq supermarketə baxır.