American Express qlobal işçi sayını təxminən 5 faiz azaldır

23 oktyabr 2026•Yenilənib: 23 oktyabr 2026

American Express xərcləri azaltmaq və əməliyyat effektivliyini yaxşılaşdırmaq üçün qlobal işçilərinin sayını təxminən 5 faiz azaltmağı elan edib.

American Express 2026-cı ilin üçüncü rübünə dair maliyyə nəticələrini açıqlayıb. Şirkətin illik gəliri 9 faiz artaraq 20,1 milyard dollara çatıb.

Şirkət ötən ilin eyni dövründə 18,4 milyard dollar gəlir əldə etmişdi.

American Express-in xalis gəliri üçüncü rübdə illik müqayisədə 28 faiz artaraq 3,7 milyard dollara yüksəlib.

Şirkət ötən ilin eyni dövründə 2,9 milyard dollar xalis gəlir əldə etmişdi.

Bu ilin üçüncü rübündə şirkətin səhm başına gəliri 5,42 dollar olub, ötən ilin eyni dövründə isə 4,14 dollar idi.

American Express-in baş icraçı direktoru Stiv Skeri maliyyə nəticələrinin açıqlanmasından sonra keçirilən konfrans zəngində şirkətin fəaliyyətini və restrukturizasiya planını qiymətləndirib.

Skeri bildirib ki, şirkət qlobal işçi sayını təxminən 5 faiz azaltmağı planlaşdırır. Şirkət yaxşı dinamikə qazanıb, lakin innovasiyaları sürətləndirmək və gələcəkdə uğur qazanmaq üçün daha çevik və effektiv təşkilat olmalıdır.

Skeri qeyd edib ki, üçüncü rübdə restrukturizasiya xərcləri kimi 336 milyon dollar qeydə alınıb. Plan şirkətin təşkilati strukturunu sadələşdirmək və qərarvermə proseslərini sürətləndirmək məqsədi daşıyır.