UEFA ABŞ federal məhkəməsindən İsveçrədə planlaşdırılan cinayət işində istifadə üçün Florida yerləşən FIFA təşkilatlarından ifadə və sənədlərin alınmasına icazə istəyib. Bu, FIFA prezidenti Gianni İnfantino barəsində açıqlanan məhkəmə sənədində əks olunub.

ABŞ qanunlarına əsaslanan ərizədə Avropa futbolunun idarəedici orqanı İnfantino və digər FIFA rəsmiləri, müşavirləri barədə cinayət işi açmaq istədiyini bildirib. İddia olunan plan artıq rədd olunub. O, kişi və qadınlar arasında Dünya Kuboku və Klub Dünya Kubokunun kommersiya hüquqlarının FIFA-nın yeni törəmə şirkəti FIFA Forward Enterprise-ə (FFE) ötürülməsi ilə bağlı idi.

ABŞ-ın Florida məhkəməsinə təqdim olunan sənəddə UEFA-nın bu planla əlaqədar hüquqi addımlar atmaq niyyətində olduğu deyilir. Bu barədə AFP məlumat verib.

Hüquqi sənəddə göstərilir ki, UEFA və digər maraqlı tərəflər İsveçrədə Cinayət Məcəlləsinin 158-ci maddəsinə əsasən İnfantino və digər FIFA rəsmiləri ilə müşavirlərinə qarşı cinayət məsuliyyəti iddiaları hazırlayır.

UEFA-in fikrincə, İnfantino bu təklifi gizli şəkildə, az sayda müşavir və investorla birgə hazırlayıb. O, FIFA-nın normal idarəetmə prosedurlarını keçərək, FIFA Şurası, regional konfederasiyalar və üzv təşkilatlarla məsləhətləşmədən hərəkət edib.

ABŞ məhkəməsindən tələb olunan sənədlər Florida-da fəaliyyət göstərən FIFA (AMERICAS), Inc. və FWC2026 US, Inc. adlı iki FIFA təşkilatlarından olmalıdır. UEFA bildirib ki, bu təşkilatlar FFE əməliyyatının hazırlanması, strukturlaşdırılması, dəyərinin müəyyənləşdirilməsi və təsdiqlənməsi ilə bağlı sənədlər və şahidlər təqdim edə bilər.