Rusiya ABŞ və İran arasındakı danışıqlarda vasitəçilik etməyə hazır olduğunu bildirib

Rusiya tərəfi ABŞ və İran arasındakı münaqişənin həllində vasitəçi olmağa hazırdır, bunu Rusiyanın Xarici İşlər Nazirliyinin müavini Andrey Rudenko "İzvestiya"ya müsahibəsində bildirib. O, bunun üçün tərəflərin maraqlı olması gərəkdiyini vurğulayıb.

Əgər bütün tərəflər maraq göstərsə, biz vasitəçi olmağa hazırıq. Biz əvvəllər İranın nüvə proqramının necə çözülə biləcəyi barədə təkliflər vermişdik, amma indiyədək təkliflərimiz dəstək tapmayıb, – Rudenko qeyd edib.

ABŞ prezidenti Donald Tramp daha əvvəl bildirib ki, ABŞ İsrail və İran arasında hərbi münaqişə kontekstində Rusiya və Çinin mövqeyinə yüksək qiymət verir. Amerika administrasiyasının rəhbəri Moskvanın bu münaq ilə bağlı mövqeyindən razılığını ifadə edib.

Həmçinin məlum olub ki, Rusiya prezidenti Vladimir Putin və ABŞ prezidenti xüsusi elçisi Stiv Vitkoff danışıqlar zamanı Yaxın Şərqdə və İran ətrafında vəziyyəti ətraflı müzakirə ediblər. Danışıq zamanı Rusiya lideri Moskvanın vasitəçilik etmək niyyətini bildirib.