Polis Barselonada gənclərin etirazını yatırıb

İspaniya polisi şənbə günü Barselonada gənclər tərəfindən təşkil olunan etiraz zorakılığa çevriləndən sonra müdaxilə edib.

Qara geyinmiş yüzlərlə gənc Katoloniyanın meydanında toplaşıb. Sosial mediada katala dilində "Institut Indignats" hestiqi altında yayılan çağırışa cavab verərək etiraz ediblər. Bu aksiya son həftələrdə Fransada tələbə etirazlarına səbəb olan Lycees Indignes hərəkatından ilham alıb.

Bəzi nümayişçilər mağazaları talayıb, zibil konteynerlərini yandırıb və təhlükəsizlik əməkdaşlarına daş və şüşə butulkalar atıblar. Bu səbəbdən polis müdaxilə edib.

Polis tədbirindən sonra nümayişçilər qruplar şəklində dağılmağa başlayıb. Yan küçələrdə polis ilə nümayişçilər arasında toqquşmalar olub, bəzi insanlar yaralanıb, digərləri həbs olunub.

Hadisə Barselonanın mərkəzində baş verib. Burada bir neçə həftə əvvəl yerləşdirilmiş, mənzil hüquqları tələbi ilə qurulmuş çadır düşərgəsi var. Hadisələr ətrafda çox sayda sakin və turistlərin olduğu yerdə baş tutub.

Barselona şəhərinin bələdiyyə polisi Guardia Urbana şəhər mərkəzində baş verən qarışıqlıqdan sonra bir neçə küçəni bağlayıb. Mağazaların çoxu potensial zərərin qarşısını almaq üçün qapılarını aşağı endirib.

Katoloniyanın regional hökumətinin prezidenti Salvador İlla zorakılıq və vandalizmi qınayıb.

"Hücum, təhdid və ya zərər vurmaq demokratiya hüququ deyil. Bunu edən hər kəs bunun cəzasını çəkəcək," – İlla ABŞ-ın sosial media şirkəti X-də yazıb.

O əlavə edib ki, zorakılığa Katoloniyada yer yoxdur və zorakılıq üçün heç bir əsas yoxdur.