Şimal Fransada qatar stansiyasının yaxınlığında avtomobil insan qrupuna çırpılıb. Hadisə nəticəsində ən azı bir nəfər ölüb, on nəfər yaralanıb, polis məlumat verir.

Normandiya bölgəsində Caen şəhərində yerli rəsmilər hadisədən sonra geniş təcili yardım tədbirlərinə başlayıblar və bir nəfəri saxlayaraq həbs ediblər.

Hadisə barın yaxınlığında baş verib. Yerli KİV-lər insidentdən əvvəl orada dava düşdüyünü xəbər verib.

Sosial mediada yayılan videolarda polis maşınları və təcili yardım avtomobillərinin ətrafında çox sayda insanın toplaşdığı, geniş ərazinin bağlandığı görünür.

Calvados yerli idarəsinin sözçüsü BBC-yə bildirilib ki, dörd nəfər yaxınlıqdakı xəstəxananın təcili yardım şöbəsində müalicə alır.

Digər altı nəfər isə yüngül xəsarətlərlə müalicə olunur.

Caen Xüsusi Cinayət Bölməsinin detektivləri araşdırmaya rəhbərlik edir.

Yerli sakinlərə Caen qatar stansiyasının ətrafından uzaq durmaq tövsiyə olunub.