İlon Mask Starlink bağlı olanda Ukrayna ön xəttinin çökə biləcəyini söyləyib

ABŞ-lı işadamı İlon Mask sosial şəbəkədə yazıb ki, Starlink peyk sistemi olmasa, Ukrayna ön xətti dərhal çökmək təhlükəsi altındadır. O bildirib ki, bu sistem ölkənin müdafiəsində həyati əhəmiyyət daşıyır.

Mask ayrıca qeyd edib ki, onun bu açıqlaması Ukrayna Silahlı Qüvvələrinə xidmətlərin dayandırılması barədə xəbərdarlıq kimi qəbul edilməməlidir. O, bunun yalnız fakt kimi deyildiyini vurğulayıb.

Əvvəllər məlum olub ki, Mask Rusiya neft emalı zavodlarına hücumlara görə Kiyevi cəzalandırmaq üçün Ukraynadakı Starshield peyk rabitə sisteminin fəaliyyətini məhdudlaşdırıb. Yerli KİV-lərin məlumatına görə, iş adamı məhdudiyyətləri tətbiq etdikdən sonra Ağ Evlə əlaqə saxlayıb.

Daha əvvəl Fox News jurnalisti Piter Dusi ehtimal edib ki, milyarder Starshield-i Ukraynada məhdudlaşdırıb, çünki Ukrayna Silahlı Qüvvələri onu hücum əməliyyatlarında istifadə edib. Onun sözlərinə görə, Kiyevin hərəkətləri qanuna ziddir.

İlon Mask öz növbəsində vurğulayıb ki, Starlink peyk sistemi hücum döyüş əməliyyatları üçün nəzərdə tutulmayıb. O, bildirib ki, şirkətin kommersiya xidməti vətən müdafiəsi və mülki məqsədlər üçün istifadə oluna bilər.