Hakim Cefris ABŞ Nümayəndələr Palatasının spikeri vəzifəsinə namizədliyini irəli sürüb
5 noyabr 2026, 05:17 · Mənbə: Report.az

ABŞ Konqresinin Nümayəndələr Palatasında demokratların lideri Hakim Cefris aşağı palatanın spikeri vəzifəsinə namizədliyini rəsmən elan edib.
Yeniliklərdən dərhal xəbərdar olun!
ABŞ Konqresinin Nümayəndələr Palatasında demokratların lideri Hakim Cefris aşağı palatanın spikeri vəzifəsinə namizədliyini rəsmən elan edib.
"Report" xəbər verir ki, bu barədə "ABC News" məlumat yayıb.
Siyasətçi partiyadaşlarına müraciət edərək namizədliyini dəstəkləmələrini xahiş edib.
"Mən sizdən Nümayəndələr Palatasının növbəti spikeri vəzifəsinə namizədliyimi dəstəkləməyinizi xahiş edirəm", – müraciətdə deyilir.
Cefris demokratların üç əsas prioritetini açıqlayıb: yaşayış xərclərinin azaldılması, hakimiyyətin hesabatlılığının təmin edilməsi və Amerika dəyərlərinin qorunması.
O, həmçinin ABŞ Prezidenti Donald Tramp administrasiyasının tam nəzarətində olan bir struktur kimi fəaliyyət göstərən Nümayəndələr Palatası dövrünün artıq geridə qaldığını bildirib.
Telekanalın məlumatına görə, demokratların rəhbərliyinin müəyyənləşdirilməsi ilə bağlı partiyadaxili seçkilər noyabrın 18-də qapalı formatda keçiriləcək. Partiyanın namizədliyini qazanmaq üçün Cefris fraksiya üzvlərinin sadə səs çoxluğunun dəstəyini almalıdır.
Spiker postuna yekun səsvermə Konqresin yeni çağırışının 2027-ci il yanvarın 3-də fəaliyyətə başlamasından sonra keçiriləcək.
Seçiləcəyi təqdirdə, Cefris ABŞ Nümayəndələr Palatasının spikeri vəzifəsini tutan ilk afroamerikalı olacaq.
Oxşar xəbərlər

Dünya
JPost: İsrail kəşfiyyatı İrana qarşı hərbi əməliyyatların bərpasını dəstəkləyir
Report.az · 15 noyabr 2026, 21:47

Dünya
AP: NATO Albaniya sammitini ləğv edir və liderlər səviyyəsində görüşləri azaldır
Report.az · 15 noyabr 2026, 21:47

Dünya
"Kür"ün baş məşqçisi: "Şimali Makedoniya komandası ilə matçda maksimum güc sərf etdik"
Report.az · 15 noyabr 2026, 19:47

Dünya
İslami: İran yaxın vaxtlarda ilk yerli nüvə-istilik qurğusunu işə salacaq
Report.az · 15 noyabr 2026, 19:47