Google və Glance Android TV-də inteqrasiyanı reallaşdırır

Google qlobal texnologiya şirkəti InMobi-nin dəstəklədiyi süni intellekt əsaslı şəxsi alış-veriş platforması Glance ilə əməkdaşlıq qurub. Onlar Android TV istifadəçiləri üçün televiziya təcrübəsini süni intellektlə zənginləşdirilmiş ticarət funksiyaları ilə genişləndirirlər.

Glance açıqlamasında əməkdaşlığın passiv mühitdən interaktiv, süni intellektlə idarə olunan alış-veriş və kəşfiyyat portalına keçidi təmin edəcəyini bildirir.

Əməkdaşlığın şərtləri açıqlanmayıb.

Android TV-də inteqrasiya ABŞ, Hindistan və Yaponiyada həyata keçirilir. Glance qeyd edib ki, bu sistem istifadəçilərə aktiv iştirakla seçim imkanı verən, ağıllı alış-veriş agentinin idarə etdiyi fərdi həyat tərzi mühərriki rolunu oynayır. Şirkət əlavə edib ki, "emiş saatlarında" televizor ekranının az istifadə olunan potensialı əməkdaşlıqla yenidən dəyərləndirilir və ənənəvi mühit rejimləri ilə müqayisədə ekran daimi kəşfiyyat sahəsinə çevrilir.

InMobi və Glance şirkətlərinin baş icraçı direktoru və qurucusu Naveen Tewari inteqrasiyanın ənənəvi oturma otağını dəyişdirdiyini vurğulayıb. O deyib ki, onlar "passiv" ekran dövrünü arxada qoyurlar. Google-un Android TV ekosisteminin gücü ilə Glance-in süni intellektə yönəlmiş ticarət modellərini birləşdirərək, oturma otağını ilham və məqsədin görüşdüyü məkan halına gətirirlər. Moda, ev dekorasiyası və ya səyahət sahəsində alış-veriş və kəşfiyyat təcrübəsini daha rahat, zəngin və interaktiv edirlər.

Şirkət inteqrasiyanın istifadəçi həyat tərzini yaxşılaşdıran yeni imkanlar və funksiyalar gətirdiyini vurğulayıb. Bunlara çoxsaylı mobil və TV cihazlarda vahid ticarət qatını təmin edən süni intellekt əsaslı alış-veriş agenti daxildir. İstifadəçilər bu sistem sayəsində ilhamdan məqsədə dərhal keçə bilərlər. Sistemi yüzlərlə pərakəndə və brend inteqrasiyası dəstəkləyir və fərdi məhsul seçimi üçün konsieyr rolunu oynayır.

İnteqrasiya istifadəçilərə daha zəngin məhsul kəşfi təcrübəsi təqdim edir. Şirkət bildirib ki, istifadəçilər moda, səyahət, qida, sağlamlıq və digər həyat tərzi kateqoriyalarında yüksək keyfiyyətli məzmunu izləyə bilərlər. Platforma özəl süni intellektdən istifadə edir və kontekstual həyat tərzi simulyasiyaları ilə yanaşı sınaq məqsədli görüntüləndirmə imkanları yaradır.

Glance deyir ki, Google üçün əməkdaşlıq Android TV platformasının faydasını artırır və onu interaktiv "həyat tərzi mərkəzi"nə çevirir. Şirkət həmçinin bildirir ki, bu əməkdaşlıq Airtel və DirectTV ilə mövcud tərəfdaşlıqlarını genişləndirərək milyonlarla evə çatmaq imkanlarını yüksəldir.

Vahid ticarət agenti televizor və mobil cihazları birləşdirərək kəsişən ekran kanalı yaradır. Bu, moda geyim markalarına ani istifadəçi marağını tutmağa və passiv kəşfiyyatı birbaşa istehlakçıya satışa çevirməyə imkan verir.