BMT İsrail məhdudiyyətləri və səsəlilərin hücumlarının fələstinlilərin zeytun yığımını əngəllədiyini deyir

BMT bəyan edib ki, təkrar hücumlar və İsrailin daxil olma məhdudiyyətləri işğal altındakı İordan çayının qərb sahilində fələstinlilərin zeytun məhsulunu təhlükəsiz şəraitdə yığmasına mane olur.

Mətbuat konfransında rəsmi nümayəndə Stefan Dyujarrik deyib ki, müvəqqəti xüsusi koordinator Ramiz Ələkbərov 13 üzv dövlətin diplomatı ilə birlikdə Ceninə yollanıb. Onlar zeytun yığımının və fələstinli icmaların uzunmüddətli məcburi köçürülməsinin yaratdığı çətinlikləri araşdırıb.

Dyujarrik qeyd edib ki, "Arraba kəndində zeytun əkən fermerlərin təkrar səssəlilərin hücumları barədə məlumat aldılar. Bu hücumlar və İsrailin daxil olma məhdudiyyətləri ərzaq təhlükəsizliyinə ciddi təsir göstərir." Aidiyyəti humanitar tərəfdaşlar nümayəndə heyətini zeytun yığımını qorumaq üçün müşayət və hüquqi yardım göstərilməsi barədə məlumatlandırıblar.

Dyujarrik bildirib ki, Ələkbərov deyib ki, "yığım mövsümü bayram vaxtı olmalıdır. Təxminən 100 min fələstinli ailə zeytuna bağlı dolanşır, amma bir çoxları məhsullarını təhlükəsiz şəkildə yığmaq imkanından məhrumdurlar."

Dyujarrik sözlərinə əlavə edib: "O deyib ki, onlara qarşı törədilən cinayətlər dayandırılmalıdır və İsrail hakimiyyəti günahkarları məsuliyyətə cəlb etməlidir."

Dyujarrik bildirib ki, "Qabatiya şəhərində klinikada diplomatlar fələstinlilərlə görüşüb. Onlar deyiblər ki, 2025-ci ilin əvvəllərindən İsrail hakimiyyəti onları Cenin düşərgəsinə qayıtmaqdan məhrum edir, həmin yerlərdə çox sayda ev dağıdılıb."

Dyujarrik əlavə edib ki, Ələkbərov humanitar təşkilatların məcburi köçürülmüş fələstinlilərə yardım göstərməsi üçün daha çox maliyyələşmənin vacibliyini vurğulayıb. O, İsrail hakimiyyətini onların təhlükəsiz və ləyaqətli qaytarılmasını təşviq etməyə çağırıb.

Səfər Ramallahın şərqində, Taybə şəhəri yaxınlığında Avropa diplomatı və Katolik kilsəsi nümayəndələrini əhatə edən heyətin İsrail işğalçıları tərəfindən hücuma məruz qalmasından bir neçə gün sonra baş tutub. Bu barədə Fələstin Xarici İşlər Nazirliyi məlumat verib.

İsrail Ordusunun Radiosu bildirib ki, yeddi maskalı hücumçu diplomatik avtomobili çərçivəyə alıb, Belçika konsulluğuna aid maşının şüşəsini sındırıblar. İsrail polis və əsgərləri isə hadisə yerinə 3 saat gec gəlib.

İsrail hərbi rəsmiləri hücumu "ciddi zorakı hadisə" adlandırıblar. Onlar deyiblər ki, heyət səfərdən əvvəl əlaqələndirmə aparmayıb və orada heç bir hərbi qulluqçu olmayıb.

İşğalçıların hücumları bu ayın əvvəlində başlayan zeytun yığımı vaxtı kəskin artıb. Fələstin Divarı və Məskunlaşma Müqavimət Komissiyası ötən həftəsonu tək bir gün ərzində fermerlərə, torpaqlara və zeytun bağlarına qarşı 40 hücum və pozuntu barədə məlumat yayıb.