ABŞ Müdafiə Nazirliyi rəqəmsal yerləşmə məlumatlarından istifadə edilərək döyüş zona­sında xidmət edən hərbi qulluqçuların düşmən tərəfindən izlənməsi və hədəfə alınması faktını təsdiqləyib. Bu, telefon və kompüterlərdən toplanan məlumatların fərdləri təqib etmək üçün necə sui-istifadə oluna biləcəyinin yeni nümunəsidir.

Senator Ron Uaydenin TechCrunch-a təqdim etdiyi məktubunda ABŞ Mərkəzi Komandanlığının düşmənlərin satın aldığı yerləşmə məlumatlarından ABŞ hərbi qulluqçularını izləmək üçün istifadə etməsindən xəbərdar olduğu bildirilir.

Məktubda «USCENTCOM teatrda ABŞ personalını izləmək və hədəfə almaq üçün kommersiya yerləşmə məlumatlarından düşmənlər tərəfindən sui-istifadə olunması ilə bağlı çoxlu təhlükə hesabatı alıb» deyilir.

Məktubda nümunələr və detallara yer verilməyib, Müdafiə Nazirliyinin mətbuat katibi isə şərh verməkdən imtina edib.

Hadisəni ilk dəfə Reuters cümə axşamı xəbər verib.

Yerləşmə məlumatları telefon və kompüterlərdən onlayn reklamların vasitəsilə toplanır, sonra məlumat brokerləri tərəfindən alınaraq açıq bazarda satılır. ABŞ və başqa ölkələrdə hökumət və hərbi qurumlar bu məlumatları bundan əvvəl məhkəmə icazəsi olmadan alıblar. Son illərdə FTB istehlakçılara xəbərdarlıq edib ki, tətbiq və saytların toplaya biləcəyi məlumatların həcmni azaltmaq üçün reklam bloklayıcılarından istifadə etsinlər.

Uayden Reuters-ə deyib ki, reklam texnologiyaları sənayesini milli təhlükəsizlik təhdidi kimi qəbul etməyin vaxtıdır.