Zelenski Rusiya raketlərinin Kiyevdə tarixi mərkəzə zərbə vurduğunu açıqlayıb

22 oktyabr gecəsi Rusiya işğalçı qüvvələri Kiyevə, o cümlədən, üç kasset hərbi başlıq daşıyan ballistik raketlərdən istifadə edib. Onlardan biri Kiyevin tarixi mərkəzinə dəyib.

Məlumatı dövlət başçısı sosial şəbəkədə paylaşıb.

Zelenski bildirib ki, Rusiya hücumlarının sonucunda yaranan vəziyyətlə bağlı hesabatları dinləyib.

Ukrayna rəsmilərinin məlumatına görə, 22 oktyabr gecəsi ruslar kassettə başlıqlı üç ballistik raketlə Kiyevə zərbə vurub. Bu raketlərin özəlliyi budur ki, hədəfə yaxınlaşanda havada partlayır və 400 metr radiusda hər şeyi məhv edir.

Raketlərdən biri Peçerskə - Kiyevin tarixi mərkəzinə, yəni Kiyev-Peçersk Lavrası ilə Müqəddəs Vvedensk monastırı arasında əraziyə dəyib. Monastırın binaları, yaşayış evləri, mağazalar, kafelər və digər mülki infrastruktura ziyan dəyib.

Zelenski bildirib: “Bu, təsadüfi olmayan məqsədli zərbədir. Hədəf seçimi, silah seçimi düşünülmüşdür və məqsədi mülki əhaliyə maksimum zərər vurmaqdır. Hətta nəzəri olaraq ətrafda hərbi obyekt yoxdur, amma silah genişmiqyaslı zərbə üçün nəzərdə tutulub. Rusiya müharibəyə yanaşmasını dəyişməyib və müharibəni dayandırmaq istədiyini göstərən addımlar atmır.”

Prezident Vladimir Zelenski bildirib ki, ABŞ xüsusi nümayəndəsi ilə görüşdən sonra və danışıqlardan sonra ruslar Kiyevə 21 raket atıb. Nəticədə ən azı 2 nəfər həlak olub, 30-dan çox adam yaralanıb.

Ukrayna prezidentinin müşaviri, radio texnologiyaları üzrə ekspert Sergey Beskrestnov "Fleşa" bildirib ki, 22 oktyabr gecəsi Rusiya kassetə başlıqlı K5 "İskəndər" raketi ilə Kiyevə zərbə vurub. Bu raketlərin məqsədi insanlara maksimum zərər vurmaqdır.