Yəmənin rəhbəri hücum əməliyyatına başladı

France 24 yazır ki, Yəmənin Prezident Şurasının rəhbəri Raşad əl-Əlimi bazar günü ölkədə İran dəstəyi ilə fəaliyyət göstərən Hüthi döyüşçülərindən tutulan bütün ərazilərin geri alınması üçün yeni hərbi əməliyyatların başlanmasını açıqlayıb.

Əlimi bütün silahlı qüvvələri və təhlükəsizlik orqanlarını ölkəni Hüthi terrorçu milislərindən azad etmək üçün planlaşdırılan əməliyyatları yerinə yetirməyə çağırıb.

Bu elan Hüthilərin ötən ay Qırmızı dəniz sahilinin geniş hissələrini ələ keçirməsindən sonra müharibədə qarşıdurmanın daha da artmasını göstərir.

Hüthilər Taiz şəhərinin ətrafında və əsas təchizat yolunda nəzarəti ələ keçirərək şəhəri faktiki mühasirəyə alıblar. Hazırda Taiz hökumət qüvvələrinin nəzarətindədir, lakin şimal, şərq və qərbdən Hüthi döyüşçüləri tərəfindən mühasirəyə alınıb.

Digər tərəfdən, Hüthilərin telekanalı "Əl-Məsirah" Səudiyyə Ərəbistanının əl-Cauf və Saada şimal vilayətlərində hücumlar həyata keçirməsini, ən azı iki nəfərin yaralandığını xəbər verib.

Yəmənin hökumət qüvvələri isə, başda paytaxt Sənə və bəzi digər ərazilərdə Hüthi mövqelərinə zərbə endirdiklərini açıqlayıb. Hökumətin hava qüvvələrinin potensialı məhdud olsa da, 2015-ci ildən sonra əsas hava zərbələri Səudiyyə Ərəbistanının rəhbərlik etdiyi koalisiya tərəfindən həyata keçirilir.