Yəməndə hökumət qüvvələri Hüsi qruplarına qarşı hücumları artırıb

Anadolu Ajansı yazır ki, Yəmən Silahlı Qüvvələri Sana, Midi, Bəyda, Cevf, Marib, Lahic və Taizdə Hüsi qruplarının mövqelərinə qarşı 257 hücum təşkil edib. Bu əməliyyatlarda ən azı 700 Hüsi döyüşçüsü öldürülüb və ya yaralanıb.

Hərbi qüvvələr Hüsi komandanlıq və nəzarət mərkəzlərini, toplaşma və gücləndirmə nöqtələrini, ehtiyat birlikləri, silah-sursat anbarlarını və hərbi təchizat xətlərini hədəfə alıb. Hüsi silahlı texnikasından 170-dən çoxu məhv edilib və ya yararsız hala gətirilib.

Hökumət qüvvələri və Xalq Müqaviməti Taizin cənub-şərqində yerləşən Samia Kalesinin nəzarətini ələ keçirib. Kalenin ələ keçirilməsindən sonra əməliyyatlar El-Caşa bölgəsinə doğru irəliləyib və Hüsi qüvvələrinə qarşı hücumlar davam etdirilib.

Eyni zamanda Taizin qərbində El-Kedha, Cebel Habeşi və eş-Şumaytın bölgələrində şiddətli döyüşlər baş verib. Yəmən ordusu Sana şəhərində də Hüsi nəzarətindəki hərbi hədəflərə hava zərbələri endirib.

Hüsilərə aid El-Mesire Televiziyası isə bu hava hücumlarını Səudiyyə Ərəbistanının həyata keçirdiyini iddia edib.

Hərbi mənbələr Taizin qərb cəbhəsində, həmçinin Han Dağı və Hizran bölgələrində bir neçə saat davam edən döyüşlərdən sonra Hüsi qüvvələrinin irəliləməsinin dayandırıldığını bildirir. Eş-Şehla cəbhəsində isə Hüsiyə məxsus dörd pilotsuz uçuş aparatı vurulub.