Uber 2,3 milyard dollara ezCater şirkətini aldı

TechCrunch yazır ki, Uber "Uber Eats" bölməsində yeni xidmət növlərini artırmaq üçün ezCater katerinq şirkətini alır.

Bu alma əməliyyatı tam nağd ödənişlə, 2,3 milyard dollara baş tutub.

"ezCater" ABŞ-da lider katerinq və iş yeri yeməkləri platformasıdır və bizneslərə böyük yeməklərin sifarişində vasitəçilik edir, Expedia-nın katerinq versiyası kimi fəaliyyət göstərir.

Şirkət 2007-ci ildə yaradılıb və Uber-in məlumatına görə, son 12 ayda 2,5 milyard dollardan çox sifariş həcmi olub.

Uber rəhbəri Dara Xosrovşahi qeyd edib ki, bu satınalma restoranlara yeni və böyük müştərilər qazanmaq üçün imkan yaradacaq və katerinq restoranlar üçün gəlirli böyük biznes sahəsidir.

Uber həmçinin digər addımlarla qida çatdırma biznesini böyüdür. Şirkət 15 milyard dollara Delivery Hero-nu alma prosesindədir və "Zipline" və "Flytrex" kimi dron çatdırma şirkətlərinə sərmayə qoyur və əməkdaşlıq edir.