Türkiyə millisinin tarixində 38 ildən sonra ilk dəfə dörd məğlubiyyət

Hürriyet yazır ki, Türkiyə milli futbol komandası UEFA A Liqasının 1-ci qrupundakı dördüncü oyununda İtaliyaya 3-1 hesabı ilə məğlub olub. Bu nəticə ilə komanda həftəni xal toplamaadan başa vurub.

Türkiyə millisinin ardıcıl olaraq Fransa, İtaliya, Belçika və yenə İtaliya komandalarına məğlub olması 1987-ci ilin oktyabrından 1988-ci ilin mart ayına qədər olan dövrdən sonra ilk dəfədir ki, dörd oyunluq məğlubiyyət seriyasını yaşamasına səbəb olub.

Bu da millinin tarixində təxminən 38 ildən sonra ilk belə seriyanın yaranması deməkdir.

Türkiyə millisinin tarixində ən çox qarşılaşdığı və məğlub olduğu rəqibi İtaliya olub. Komanda İtaliya ilə keçirdiyi ümumilikdə 18 oyunda 5 heç-heçə və 13 məğlubiyyət əldə edib.

Üstəlik, Türkiyə yığması İtaliya səfərində keçirdiyi 10 oyunun 5-ni heç-heçə ilə başa vurub, digər 5-də məğlub olub.

Türkiyə millisinin üç və daha çox qol buraxaraq məğlub olduğu oyunlara görə xarici məşqçilər siyahısında isə İtaliyalı Vincenzo Montella 7 məğlubiyyətlə üçüncü yerdədir. İtalyan məşqçi Sandro Puppo 10, Sepp Piontek isə 9 məğlubiyyətlə ilk iki pillədə yer alır.