Türkiyə Bankalar Birliyi fon sorğusunun təsirini rədd etdi

Anadolu Ajansı yazır ki, Türkiyə Bankalar Birliyi (TBB) prezidenti Alpaslan Çakar "Dönüşümün Finansmanı: COP31 Yolunda Türkiye" adlı tədbirdə fonda dair aparılan sorğularla bağlı sualları cavablandırıb.

Çakar bildirib ki, Türkiyə Mərkəzi Bankının (TCMB) KOBİ kreditlərindəki artım limitinin 4,5 faizdən 5 faizə qaldırılması fon sorğuları ilə bağlı deyil. O, fonda dair məsələlərin daha məhdud sahədə və əsasən fərdi şəxslərlə əlaqəli olduğunu vurğulayıb.

KOBİ kreditləri üzərində bir müddətdir iş getdiyini deyən Çakar əlavə edib ki, bu qərarlar likvidlik problemlərini yüngülləşdirmək məqsədilə qəbul olunub və fonda dair sorğularla əlaqəsi yoxdur.

Bank sektoruna mənfi təsirin olmayacağını bildirən Çakar bazardan çıxan vəsaitin yenidən bank sektoruna daxil olduğunu və bu səbəbdən bankçılıqda problem gözləmədiklərini vurğulayıb.