Tramp ABŞ-da benzin qiymətlərinin artımına səbəb göstərdi

News.ru yazır ki, ABŞ prezidenti Donald Tramp benzin qiymətlərinin artmasını Ukrayna qüvvələrinin Rusiya neft emalı zavodlarına hücumları ilə əlaqələndirib. Tramp sosial şəbəkədə paylaşımında qeyd edib ki, qiymət artımında Ormuz boğazının artıq əsas səbəb olmadığını bildirib.

O əlavə edib ki, Rusiya neft emalı zavodları Ukrayna tərəfindən hədəfə alınır, ABŞ-da isə Kaliforniya kimi demokratların idarə etdiyi ştatlarda zavodlar bağlanır. Bu daxili amillər də benzin qiymətlərinə təsir göstərir.

ABŞ Energetika Naziri Kris Rayt dizel yanacağının çatışmazlığı mövcud olduğuna etiraf edib. O bunun Rusiyadan ixracın dayandırılması, eləcə də Yaxın Şərq və Çin kimi ölkələrdən tədarük problemləri ilə bağlı olduğunu vurğulayıb.

Bundan əvvəl Rusiya Baş nazirinin müavini Aleksandr Novak dizel yanacağının rekord səviyyədə bahalaşmasını sanksiyalar və neft emalı zavodlarına hücumlarla əlaqələndirib. Novak əlavə edib ki, Ormuz boğazının bağlanması və Rusiyanın neft məhsullarını ixracının qadağan olunması da çatışmazlıq yaradıb.

Novak bildirib ki, Rusiya benzin ixracını daxili bazar bərabərləşdikdən sonra bərpa edə bilər. Həmçinin ölkə yalnız öz neft məhsullarından istifadə edəcək.