Şanlıurfa TEKNOFEST ilə tarix və mədəniyyətini dünya ilə tanıtdı

Anadolu Ajansı yazır ki, Sənaye və Texnologiya Nazirliyi ilə T3 Fondu tərəfindən təşkil edilən Havacılıq, Kosmos və Texnologiya Festivalı (TEKNOFEST) Şanlıurfa GAP Hava Limanında keçirilib.

Şanlıurfa valisi Şıldak tədbir zamanı mətbuat nümayəndələrinə açıqlamasında festivalın ilk günkü həyəcanının daha da artdığını deyib.

Vali bildirib ki, festival zamanı bəzi trafik sıxlıqları müşahidə olunsa da, park, təmizlik və təhlükəsizlik işlərində heç bir problem yaranmayıb.

Şıldak festival iştirakçılarının xidmətlərdən razı qaldığını və hazırlıq işlərinin müsbət nəticələr verdiyini qeyd edib.

O, ölkə rəhbərliyinin də festivala böyük maraq göstərdiyini və 150 mindən çox insanın iştirak etdiyini vurğulayıb.

Vali T3 Fondunun rəhbərlərinə, xüsusilə TEKNOFEST İdarə Heyətinin sədri Selçuk Bayraktara təşəkkürünü bildirib.

Şıldak əlavə edib ki, bu tədbir Şanlıurfaya xas olan tarix və mədəniyyətin dünya miqyasında tanıdılması, eləcə də gənclərin milli texnologiya hərəkatı ilə tanış olması üçün yaxşı fürsət yaradıb.