Sankt-Peterburqda beş nəfər meymunçiçəyinə yoluxma şübhəsi ilə xəstəxanaya yerləşdirilib

Yeniliklərdən dərhal xəbərdar olun!

Rusiyanın Sankt-Peterburq şəhərində beş nəfər meymun çiçəyinə yoluxma şübhəsi ilə xəstəxanaya yerləşdirilib və tibbi müayinə altındadır.

"Report"un "İnterfaks"a istinadən xəbərinə görə, bu barədə "Rospotrebnadzor"un Sankt-Peterburq və Leninqrad vilayəti üzrə Regionlararası İdarəsi məlumat verib.

"Beş nəfər xəstəxanaya yerləşdirilib və tibbi müşahidə altındadır. Dezinfeksiya üçün göstəriş verilib", - agentlik quruma əsasən bildirib.

Qeyd olunur ki, "Rospotrebnadzor"un mütəxəssisləri meymunçiçəyinə yoluxma ehtimalı barədə məlumat aldıqdan sonra dərhal sanitar-epidemioloji araşdırmaya başlayıblar.

Daha əvvəl, Moskva vilayətində meymunçiçəyinə yoluxma ehtimalı olan xəstə ilə təmasda olan beş nəfər xəstəxanaya yerləşdirilib.