Polşa 2027–2031-ci illər üçün 102 milyard zlotı ayıracaq

Ukrainskaya Pravda yazır ki, Polşa Baş naziri Donald Tusk bildirib ki, hökumət 6 oktyabrda vətəndaşların mühafizəsi və mülki müdafiə proqramını təsdiqləyəcək. Bu proqram 2027–2031-ci illəri əhatə edəcək və təxminən 102,4 milyard zlotı dəyərində investisiyaları nəzərdə tutur.

Tusk vurğulayıb ki, proqram beş il müddətində tam maliyyələşdiriləcək. Bu vəsait əsasən vətəndaşların mühafizəsi və mülki müdafiə məqsədi ilə sərmayələr üçün istifadə olunacaq.

Ötən proqram zamanı Polşa əsasən fövqəladə vəziyyətlər üçün generatorların alınmasına vəsait sərf edib. Yeni proqramda prioritetlər arasında müxtəlif növ sığınacaqların tikintisi, avadanlıq və xilasedici bazalar, habelə fasiləsiz su və enerji təchizatı sistemlərinin təminatı yer alacaq.

Hökumət həmçinin məlumat və telekommunikasiya sistemlərinin təhlükəsizliyini və xəbərdarlıq sistemlərini maliyyələşdirəcək. Təxminən 30 milyard zlotı bölgələrə ayrılacaq və yerli idarəetmə orqanları investisiya növlərini seçmək hüququ əldə edəcək.

Qeyd edək ki, Polşa hazırda müharibə vəziyyətində olmasa da, ölkə bunun üçün qanunvericilik hazırlayır. Bu qaydalar müharibə vəziyyəti başlamamışdan əvvəl fəaliyyət planlarını müəyyənləşdirəcək.