Ormuz boğazında neft tankerinə mərmi dəyib

Britaniyanın Dəniz Ticarəti İdarəsi (UKMTO) neft tankerinin Ormuz boğazında naməlum mərmi ilə vurulduğunu bildirib.

Hadisə Oman sularından dörd dəniz milinə qədər şərqdə baş verib, gəminin kapitanı mərminin sol güvertəyə dəyiyini söyləyib.

UKMTO hadisəni araşdırır və bölgədən keçən gəmilərə diqqətli olmalarını, şübhəli fəaliyyəti xəbər vermələrini çağırıb.

Mərminin mənbəyi və hadisənin təfərrüatları hələ məlum deyil.

İran parlamentinin spikeri Məhəmməd-Baqir Qalibaf bildirib ki, Amerika Birləşmiş Ştatları Tehran tərəfindən irəli sürülən şərtləri qəbul edənə qədər Ormuz boğazı gəmiçilik üçün açılmayacaq.

İranın Milli Təhlükəsizlik Şurasının katibi Məhsin Rəzaei deyib ki, İslam Respublikası Qətər vasitəsilə Vaşinqtona müharibənin dayandırılması şərtlərini təqdim edib və ABŞ prezidenti Donald Trampdan cavab gözləyir.

Bundan başqa, İran ABŞ-la diplomatik yolla münaqişəni həll etməyə hazırdır, amma Ağ Evdən ciddi niyyət göstərilməsini tələb edir.

Tehran nüvə proqramı üzrə danışıqların İslamabad sazişinə tam riayət olunmaqla bərpa olunmasını mümkün hesab edir.