Nyu-York səhm birjaları inflyasiya narahatlıqları səbəbindən aşağı düşdü

15 oktyabr 2026•Yeniləndi: 15 oktyabr 2026

Nyu-York səhm birjaları sentyabr ayındakı inflyasiyanın sürətlənməsi göstəricilərindən sonra həftəortası aşağı bağlandı.

Dow Jones sənaye indeksi 48,62 xal və ya 0,09 faiz azalararaq 51.621,48 səviyyəsində qaldı.

S&P 500 indeksi 1,11 faiz və ya 86,51 xal azaldı, 7.718,94-ə enərkən Nasdaq Kompozit indeksi kəskin 1,88 faiz və ya 511,51 xal azalaraq 26.692,87-də bağlandı.

Bazarın "qorxu indeksi" kimi tanınan Volatillik indeksi (VIX) 10,48 faiz yüksələrək 16,87-yə çatdı.

İnflyasiya sentyabrda aylıq 0,6 faiz olaraq gözləntilərlə üst-üstə düşdü, illik inflyasiya isə 3,7 faiz səviyyəsində təxminləri üstələdi.

Aylıq inflyasiya beş ayın ən yüksək səviyyəsinə çatdı, illik inflyasiya isə dörd ayın rekordunu yenilədi.

Benzin qiymət indeksi sentyabrda ay ərzində 9,1 faiz artdı və aylıq inflyasiyanın yarıdan çoxunu təşkil etdi.

Məlumatların açıqlanmasından sonra 10 illik ABŞ dövlət istiqrazının gəliri 11 baza bal artaraq 5,33 faizə yüksəldi və sonra 5,2 faiz səviyyəsində stabilləşdi.

30 illik istiqraz gəliri isə gün ərzində 5,63 faiz dəyəindən sonra 5,52 faizə düşdü.

ABŞ dollar indeksinin dəyəri gün ərzində 0,7 faiz qalxaraq 102,94-ni gördü və ilin ən yüksək səviyyəsinə çatdı.

Avropa səhm birjaları yüksəldi

Avropanın səhm bazarları, Britaniyanın FTSE 100 indeksi istisna olmaqla, günü artımla bağladı. Pan-Avropa Stoxx Europe 600 indeksi 0,43 faiz artaraq 637,75 xal səviyyəsində oldu.

Britaniyanın FTSE 100 indeksi 0,7 faiz azaldı və 10.724,86 səviyyəsində qaldı. Almaniyanın DAX 40 indeksi 0,15 faiz artaraq 25.298,61 oldu, Fransanın CAC 40 indeksi isə 0,58 faiz yüksələrək 7.873,11 ə çatdı.

İtaliyanın FTSE MIB 30 indeksi 0,61 faiz qalxaraq 49.753,84-də, İspaniyanın IBEX 35 indeksi isə 0,1 faiz artaraq 19.230,70 səviyyəsində bağlandı.