No Kings şəbəkəsi ABŞ-da erkən səsverməni təşviq edən mitinqlər keçirdi

No Kings şəbəkəsi tərəfindən ABŞ prezidenti Donald Trampa qarşı təşkil olunan mitinqlər şənbə günü ölkənin müxtəlif şəhər və icmalarında keçirildi. Məqsəd seçiciləri növbəti parlament seçkilərində erkən səs verməyə vadar etmək idi.

No Kings şəbəkəsi ABŞ-da 3.000-dən çox tədbir planlayır. Bu dəfə “No Kings: Erkən Səsver” adı altında keçirilən tədbirlər partiyalardan asılı olmayan tədbirlər kimi təqdim olunsa da, demək olar ki, iki illik No Kings yürüş və nümayişlərinin izinə əsaslanıb. Bu nümayişlər prezident Trampın hakimiyyətindən narazı insanları bir araya gətirirdi.

Təşkilatçılar bildirdilər ki, “Bu, partiyalardan asılı olmayan seçicilərin iştirakı günüdür. Biz icmamızı erkən səs verməyə dair plan qurmaq üçün bir araya gətiririk. Hər bir seçicinin səsvermə variantlarını bilməsini və səsini eşitdirmə imkanı olması təmin edilir”.

“No Kings” təşkilatçıları erkən səsverməni təşviq etməklə seçki günü mümkün saxtakarlıq hallarının qarşısını almaq istəyirlər.

Vaşinqton, DC-də Lincoln Memorialda konsert proqramında bir neçə yüz adam iştirak edib. Soyuq havaya baxmayaraq, kütlə musiqiyə rəqs edib. Orada “ERKƏN SƏS VER” və “ƏLLƏRİM SƏSİMDƏN ÇƏKİN!” kimi çoxlu plakatlar səsləndirilib.

Atlanta mitinqində şəhər şurasının üzvü Maykl Culian Bond iştirakçıları noyabrın 3-də keçiriləcək seçkidə erkən səs verməyə başqalarını da təşviq etməyə çağırıb.

Bond bildirib: “Konstitusiya sizə bir hüquq verir, deyilmi? Bu hüquq səs verməkdir. Bu hüquqdan istifadə edəcəksiniz?

“Siz süperqəhrəmanın öz gücündən imtina etdiyini görməzsiniz,” - deyə Bond sözünə davam edib. “Qara Pantenanın öz gücündən imtina etdiyini görməzsiniz. Wonder Woman öz sehrli ipindən vaz keçmir. Bəs niyə siz öz hüququnuzdan, gücünüzdən, səs vermək borcunuzdan imtina edirsiniz? Sizi superqəhrəman olun, bu gücdən istifadə edin. Seçki məntəqələrinə gedib səs verin.”

Donald Tramp uzun müddətdir poçtla səsverməyə şübhə ilə yanaşır və sübut göstərmədən 2020-ci il prezident seçkisində səs saxtakarlığının ona zərbə vurduğunu iddia edir.

Onun administrasiyası keçən cümə axşamı Kaliforniya seçki rəsmilərinə qarşı məhkəmə iddiası qaldıraraq federal hökumətin “ehtimal ki, vətəndaş olmayan” kimi müəyyən etdiyi şəxslərin poçtla verdikləri səslərin sayılmasının dayandırılması barədə hakimdən qərar tələb edib.

Cümə günü Ədliyyə Nazirliyi xəbərdarlıq edib ki, şübhəli vətəndaş olmayan seçicilərin səslərini emal edən yerli rəsmilər cinayət işi ilə üzləşə bilər və məsuliyyət daşıya bilərlər.

Eyni gün Kaliforniya senatoru Aleks Padilla, Rod Aylend senatoru Şeldon Vaythaus və İllinoys senatoru Dik Durbin Ədliyyə naziri Todd Blancheya yazdıqları məktubla Ədliyyə Nazirliyindən seçkilərin təsdiqlənməsindən əvvəl səsvermə materiallarına müdaxilə etməməsini tələb ediblər.