NASA astronotu Deniz Burnham Türkiyəyə uzaydan əl sallayacaq

Anadolu Ajansı yazır ki, Deniz Burnham ABŞ-ın Adana Konsolosluğunun paylaşdığı videoda Ümumdünya Kosmik Stansiyasında uzunmüddətli “Expedition 76” missiyası üçün hazırlaşdığını söyləyib.

O, Adanada, İncirlik Hava Üssündə doğulduğunu, nənəsi və babasının Türkiyədə yaşadığını vurğulayıb.

Burnham bir neçə ay sonra Ümumdünya Kosmik Stansiyasına gedəcəyini və oradan nənəsinə, babasına, Adanalı həmşəhərlərinə və bütün dünyaya əl sallayacağını deyib.

Astronot nənəsinin Çanakkalənin Eceabatından, babasının Afyonkarahisardan olduğunu və Türk mətbəxindən yeməklərlə böyüdüyünü ifadə edib. O, babasının uzaya olan marağının ailəni çox təsirləndirdiyini, teleskoplarını özünün hazırladığını xatırladığını qeyd edib.

Burnham Türkiyənin Artemis Anlaşmasını imzalayan 71-ci ölkə olduğunu qeyd edərək NASA-nın belə beynəlxalq koalisiyaya Türkiyəni daxil etməkdən məmnunluq duyduğunu bildirib.

O, NASA-nın genişmiqyaslı layihələrində Türkiyənin xüsusi rolunun olduğunu, iki türk astronotun uzaya göndərildiyini və AYAP-1 Ay Araşdırma Projesində irəliləyişlərin olduğunu vurğulayıb. Burnham TEKNOFEST və Ümumdünya Kosmik Konqresinin dünya kosmik cəmiyyətini bir araya gətirməkdəki əhəmiyyətinə də toxunub.