Meta Muse AI qurğularının kodunu açıq etdi

The Verge yazır ki, Meta indi Muse AI agenti ilə işləyən qurğuları özünüz hazırlamağa imkan verir. Bunun üçün şirkət kodu açıq mənbə kimi təqdim edib.

İstifadəçilər ESP32 lövhəsini proqramlaşdıraraq və ya Raspberry Pi ilə SDK-lardan istifadə edərək Muse AI-nı rəngli E Ink ekranlarda xatırlatmalar göstərmək, HDMI cihazına əlavə edib böyük ekranda göstərmək və ya kiçik sensor ekranlı DIY Muse Charm qurğuları yaratmaq kimi layihələr həyata keçirə bilərlər.

Meta həmçinin Muse Home Link adlı bir qurğu istehsal edib. Bu qurğuya icma tərəfindən yaradılan funksiyalar əlavə edilərək işıqları yandırmaq, televizoru idarə etmək, sənədləri printerə göndərmək kimi əmrlər verilə bilər. Şirkət 5 min belə qurğu istehsal edib və bu ay ərzində göndərilməyə başlanacaq.

Muse Home Link üçün gözləmə siyahısına artıq qoşulmaq mümkündür. Meta istifadəçilərə xəbərdarlıq edib ki, bu cür yeni qurğuları hazırlamaq risklidir.

Meta rəsmi məlumatda cihazı "özünüz hazırlaya biləcəyiniz açıq mənbə qurğuları" adlandırır və bu qurğuların ekranlar, düymələr, sensorlar və digər modullarla birləşdirilə biləcəyini göstərir.