Medvedev Ukrayna sülh şərtlərini açıqlayıb

Rusiya Təhlükəsizlik Şurasının sədr müavini Dmitri Medvedev İslam Respublikası İranın Yayım Təşkilatına (IRIB) müsahibəsində Ukraynada sülh üçün vacib şərtlərin ölkə Prezidenti Vladimir Putinin rəhbərliyi ilə müəyyən olunduğunu bildirib. O vurğulayıb ki, Ukrayna neytral, qeyri-nüvə statusunu qəbul etməli, milliyyətçi siyasətindən imtina etməli və Rusiyanın Konstitusiyasında əks olunan dörd yeni regionun rus yurisdiksiyasına keçməsini tanımalıdır.

Medvedev qeyd edib ki, bu şərtlər təmin olunmazsa, Rusiya məsələnin hərbi yolla həllini davam etdirəcək. O, həmçinin Avropanın Rusiyanı təhdid kimi qavramasını Rusiya ilə hesablaşmalı güc kimi qiymətləndirib və Qərbdən əməkdaşlıq və sakit dialoq tələb edib.

Onun sözlərinə görə, Avropada "rus təhdidi" illüziyası ictimai rəyi formalaşdırmaq, seçkilər qazanmaq və hərbi büdcələri artırmaq üçün istifadə olunur. Medvedev bildirib ki, Avropa Rusiyaya qarşı sanksiyaları özləri tətbiq edərək əməkdaşlığı pozub və nəticəsini yaşayır.

Rusiya rəsmisi Orta Şərqdə təhlükəsizlik vəziyyətini "son dərəcə pis" adlandırıb və bu münaqişənin bir çox ölkələrin nüvə silahı əldə etmək istəyini artırdığını bildirib. O, ABŞ-ın regiondakı siyasətini məsuliyyətsiz adlandırıb və İranda yerləşən Hörmüz boğazının geosiyasi və beynəlxalq hüquq baxımından əhəmiyyətini vurğulayıb. Medvedev ABŞ-ın təhdidlərinə qarşı İranda effektiv alternativ silahların istifadə olunduğunu qeyd edib.

Medvedev dünya nizamının çoxqütblülük istiqamətində dəyişməsinin vacib olduğunu, Qərbin hakimiyyətini təkbaşına diktə etməyə çalışmasını tənqid edib. Bundan əlavə, İranla Rusiya arasında müdafiə sahəsində əməkdaşlığın yeni səviyyəyə yüksəldiyini və bu əməkdaşlığın çox önəmli olduğunu bildirib.