Medvedev Rusiyanın gələcək illərdə əsas məqsədini açıqlayıb

News.ru yazır ki, Rusiyanın Təhlükəsizlik Şurasının sədr müavini Dmitri Medvedev İran İslam Respublikasının Dövlət Televiziyasına müsahibəsində Qərb dünyasına qarşı qələbəni Rusiyanın əsas hədəfi kimi göstərib. O qeyd edib ki, hazırda Rusiya ilə qarşıdurmada olan qüvvələr Qərb dünyası və Şimali Atlantika Alyansıdır (NATO), hansılar ki, Ukraynanı bu münaqişədə ön cəbhə kimi istifadə edirlər.

Medvedev əhəmiyyətli geosiyasi dəyişikliklərdən danışaraq yeni dünya təhlükəsizlik arxitekturasının əsas elementinin təkqütblü dünya düzəninin dağılması olduğunu bildirib. Onun fikrincə, yeni dünya sistemi çoxmərkəzli olmalıdır.

O əlavə edib ki, bəzi dövlətlər Cənubi Qafqaz regionunu parçalamaq üçün orada təlatümlər yaratmağa çalışırlar. Medvedev vurğulayıb ki, Rusiya bu cür fəaliyyəti xüsusi diqqətlə izləyir.