Makron yeni ballistik raketin sınağını izləyib

Ukrainskaya Pravda yazır ki, Fransa Prezidenti Emmanuel Makron Avropa üçün mühüm hadisə sayılan yeni ballistik raketin sınağına şahidlik edib. Test atom sualtı raket daşıyıcı gəmisindən həyata keçirilib.

Makron sınağı çoxfunksiyalı Auvergne fregatından izləyib. O, Le Vigilant adlı raket platformasından M51.3 tipli yeni ballistik raketin ilk buraxılışını gördüyünü deyib və həmin anın videosunu paylaşıb.

Prezidentin sözlərinə görə, çox az ölkə bu sahədə belə təcrübəyə malikdir. O, DGA, CEA, Ariane Group, Naval Group və Fransa Hərbi Dəniz Qüvvələrini təbrik edərək onların peşəkarlığını və texnoloji ustalığını ölkənin qüruru adlandırıb.

Makron bu uğurun Fransa nüvə qoruma sisteminin dayanıqlılığını bir daha təsdiqlədiyini vurğulayıb. "Azad olmaq üçün hörmət qazanmaq lazımdır, hörmət üçün isə güclü olmaq gərəkdir" – deyib.

Əlavə olaraq, Fransa Prezidenti yeni nəsil strateji sualtı gəmilərin inşasının davam etdiyini və bu il strategik hipersəs və manevrli raketlərin yaradılmasına başlanıldığını qeyd edib. Bu raketlər ölkənin hava hərbi gücünün əsas hissəsini təşkil edəcək.

2026-cı ilin martında Makron Fransa nüvə doktrinasını təqdim edib və "önləyici müdafiə" konsepsiyasını açıqlayıb. Bu təşəbbüsə sonra bir sıra ölkələr, o cümlədən Finlandiya qoşulma qərarı verib.