Kubilay Kaan Kundakçı cinayəti üzrə mütalaa açıqlanıb

Hadisə martın 19-da İstanbulun Ümraniyə rayonunda baş verib. Rapçi Vahap Canbay ayrıldığı Aleyna Kalaycıoğlu ilə barışmaq üçün futbolçu Kubilay Kaan Kundakçıdan vasitəçilik istəyib. Kundakçı Aleyna ilə görüşərək barışmanı təşkil edib.

Kubilay Kaan Kundakçı və Vahap Canbay görüşmək üçün həmin yerə gəliblər, orada bir şəxs onlara atəş açıb. Atəş nəticəsində Kundakçı ağır yaralanaraq xəstəxanada vəfat edib.

Hadisədən sonra Aleyna Kalaycıoğlu, Alaattin Kadayıfçıoğlu və İzzet Yıldızhan da daxil olmaqla yeddi nəfər həbs olunub. Soruşturma zamanı İzzet Yıldızhan azadlığa buraxılıb.

Anadolu 27-ci Ağır Cinayətlər Məhkəməsində davam edən işdə dövlət ittihamçısı mütalaasını verib. Mütalaada Aleyna və anası Zuhal Kalaycıoğlunun cinayəti planlamaqda əsaslı dəlil olmadığı vurğulanıb. Telefon danışıqları heç bir yönəltmə və ya tapşırıq göstərməyib.

Kamera görüntülərinə əsasən, Alaattin Kadayıfçıoğlu 3 saniyə ərzində olay yerində silahı götürərək Kundakçının olduğu avtomobilə atəş açıb. Mütalaada onun qəsdən öldürmə ittihamı ilə məhkum olunması və həbsdə qalması istənilib.

Aleyna Kalaycıoğlu barədə isə cinayəti gizlətmək ittihamı ilə 1 ilədək azadlıqdan məhrumetmə cəzası və azadlığa buraxılması təklif olunur. Başqa təqsirlilərdən bir qrupunun isə məhkəmə sonrası şərti azadlığa buraxılması istənilir.