Kirill Dmitriev Avropa İttifaqının Rusiyadan 320 milyard dollarlıq enerji alqısını gizlətdiyini deyir

Avropa İttifaqı və əsas Qərb mediası Avropanın Rusiyadan 320 milyard dollardan çox enerji mənbəyi almasını gizlədir, amma ABŞ ilə Rusiya arasındakı dizel sazişini tənqid etməyə cürət edirlər, – Rusiya prezidentinin investisiya və iqtisadi əməkdaşlıq üzrə xüsusi nümayəndəsi və Rusiyanın Birbaşa İnvestisiya Fondunun rəhbəri Kirill Dmitriev bildirib.

Kirill Dmitriev X platformasında yazıb: "Ukrayna münaqişəsinin başlanmasından bəri Avropa İttifaqı Rusiyaya enerji üçün 320 milyard dollardan çox ödəyib! Avropa İttifaqı və ənənəvi media bu faktı gizlədir, lakin ABŞ-Rusiya dizel sazişini tənqid etmək üçün cəsarətləri çatır. Bu saziş ABŞ fermerlərinə, istehlakçılara, enerji bazarına və dünyaya fayda verir. Həqiqət önəmlidir."

O, Rusiyanın baş nazir müavini Aleksandr Novakın "Vesti" televiziyasının proqramına verdiyi müsahibədən fraqment əlavə edib. Novak orada deyib ki, 2022-ci ildən bəri Avropa ölkələri Rusiyadan 320,7 milyard dollar dəyərində enerji mənbəyi alıblar.