İsveç Rusiya və Belarus idmançılarına viza verməməyi düşünür

İsveç Rusiya və Belarus idmançılarının öz ərazisində beynəlxalq yarışlarda iştirak etmək üçün viza almasına imtina edə bilər.

Bu barədə çərşənbə günü, 21 oktyabrda, Reuters agentliyinə ölkənin miqrasiya naziri Yohann Forssell məlumat verib.

Bildirilir ki, bu addım idmançıların neytral status aldıqdan sonra gələn il İsveçin Falun şəhərində keçiriləcək xizək üzrə dünya çempionatında iştirakının qarşısını ala bilər.

"Hazırda biz Rusiya və Belarus idmançılarına vizanın verilməsinə imtina edə biləcək hüquqi əsasları təhlil edirik. İsveç hökuməti rus və belarus idmançıların beynəlxalq yarışlarda iştirakına qəti etiraz edir", - deyə Forssell bildirib.

O qeyd edib ki, hökumət İsveç Xizək Assosiasiyası və İsveç İdman Konfederasiyasının Rusiya və Belarus idmançılarının İsveçdə çıxış etməməsi barədə mövqeyini dəstəkləyir.

"Bu, Rusiyanın Ukraynaya qarşı təcavüzünün normallaşmasına yol açmaq riski yaradır", - nazir bildirib.

Xatırladaq ki, Finlyandiya xarici işlər naziri Elina Valtonen əvvəlcə Avropa İttifaqı ölkələrinə Rusiyanın Ukraynaya müharibəsi bitənə qədər rus vətəndaşlarına turizm vizası verməyi dayandırmağı çağırıb.

Estoniya xarici işlər naziri Margus Tsahkna ölkəsinin Finlyandiyanın çağırışına qoşulduğunu, Avropa İttifaqının bütün ərazisində rus vətəndaşlarına turizm vizasının verilməsinin dayandırılmasını dəstəklədiyini bildirib.

Litva prezidenti Gitanas Nauseda da ölkəsinin rus vətəndaşlarına turizm vizasının verilməsinə qadağa qoyulması mövqeyini qəti şəkildə müdafiə edəcəyini açıqlayıb.

Çexiyanın xarici işlər naziri Petr Macsinka Finlyandiyanın təklifini dəstəkləməyəcəyini bildirib.