İsrail Qəzza müharibəsini tez bitirə bilərdi

Al Jazeera yazır ki, İsrail ordusunun keçmiş yüksək rütbəli zabiti Nitsan Alon müharibənin əvvəlində girovların azadlığı üzrə məsul şəxs kimi danışıqların daha tez yekunlaşa biləcəyini bildirib. Onun sözlərinə görə, girovların geri qaytarılması 2025-ci ilin oktyabrından çox əvvəl də baş verə bilərdi.

Alon deyib ki, müharibə illərlə uzandı və bu, əslində itirilmiş imkan oldu. O, İsrailin baş naziri Benyamin Netanyahunun tam zəfər qazanmadan saziş bağlamamalı olduğu fikrini yanlış adlandırıb.

Alon müharibənin 2025-ci ilin oktyabrında əldə olunan atəşkəsini strateji nailiyyət sayır, ancaq bu sazişin daha tez mümkün olduğunu bildirib. O, girovların bir qismi əsirlikdə həyatını itirə bilərdi, amma saziş sayəsində bəzi girovlar sağ-salamat geri qaytarıldı.

Həmin atəşkəs razılaşması ilə təxminən 2 min Fələstin vətəndaşı azad olunub, qarşılığında 20 İsrail girovu Qəzza zolağından sərbəst buraxılıb.

Keçmiş diplomat Alan Pinkas isə Netanyahunun müharibənin bitməsinin qarşısını aldığını vurğulayıb. Onun fikrincə, saziş hücumdan qısa müddət sonra mümkün idi və iki il gecikmə insan itkisinə səbəb oldu.

Qətər Baş naziri Şeyx Məhəmməd bin Əbdülrahman bin Cassim əl-Tani 2023-cü ilin oktyabrında hücumlardan dərhal sonra İsrail rəsmilərinə sülh təklifini verdiklərini, lakin İsrailin ona maraq göstərmədiyini açıqlayıb.