İsrail Flydubai təyyarəsinin heyət siyahısını 48 saat əvvəldən əldə edib

Anadolu Ajansı yazır ki, İsrail Nəqliyyat Nazirliyi və xarici kəşfiyyat xidməti Mossad Flydubai təyyarəsinin sərnişin və heyət siyahısını öncədən alıb. Siyahıda adların tam yazıldığı, vətəndaşlıq məlumatlarının olduğu qeyd olunur.

Siyahıda köməkçi pilotun Umman vətəndaşı olduğu açıq şəkildə qeyd edilib. Flydubai təyyarəsinin İsrail hava məkanında uçması üçün pilotların İsraillə normal münasibətləri olan ölkələrin vətəndaşları olması tələb olunur, Umman isə bu siyahıya daxil deyil.

İsrail Vergi İdarəsi siyahını əldə etdiyini bildirib, Nəqliyyat Nazirliyi isə bu mövzuda heç bir açıqlama verməyib. İsraildə ölkəyə gələn xarici hava yolu heyətini araşdırmaq məsuliyyəti Nəqliyyat Nazirliyi və Mossada aiddir, lakin bu sahədə Mossadın daha böyük imkanlara sahib olduğu bildirilir.

İsrail daxili kəşfiyyat xidməti Şin-Bet xarici hava yolu şirkətlərinin yoxlanışının öz səlahiyyətlərinə daxil olmadığını açıqlayıb.

Hadisədən sonra İsrail Nəqliyyat Naziri Miri Regev Şin-Betdən Flydubai-nin İsraildəki bütün uçuşlarının dərhal dayandırılmasını tələb edib. İsrail araşdırma qrupunun Birləşmiş Ərəb Əmirliklərinə dəstək üçün göndərildiyi bildirilib. Lakin Səudiyyə Ərəbistanı və BƏƏ İsrailin rəsmi araşdırmaya qoşulmaq istəyini rədd ediblər.