İsrail Cenində 741 kvadratmetrlik torpağa nəzarətə götürmə əmri verib

Anadolu Ajansı yazır ki, İsrailə məxsus hərbi rəhbərlik Cenin şəhərindəki El-Cabiriyat qəsəbəsində yerləşən təxminən 741 kvadratmetrlik ərazinin "təxirəsalınmaz hərbi məqsədlər" səbəbilə nəzarətə götürülməsi barədə əmri 5 oktyabrda imzalayıb.

Əmrə əsasən, torpaq sahiblərinə qərara etiraz etmək üçün əvvəlki 7 günün əvəzinə cəmi 24 saat vaxt verilib.

Bu ərazi "A bölgəsi" çərçivəsindədir ki, Oslo razılaşmasına uyğun olaraq burada həm sivil, həm də təhlükəsizlik nəzarəti Fələstin rəhbərliyi altındadır.

İsrailin atdığı bu addım hazırda Cenin ətrafında davam edən ardıcıl torpaq nəzarətə götürmə əmrlərinin bir hissəsidir. Bu qərarlara həm yeni yolların açılması, həm də hərbi mövqelərin yaradılması məqsədilə digər ərazilərin nəzarətə götürülməsi daxildir.

Fələstin Kurtuluş Təşkilatına bağlı Ayrım Divarı və Yəhudi Məskunlaşma Birlikləri ilə Mübarizə Şurası bildirir ki, iyul ayında Cenin şəhərində ümumilikdə 199,8 hektar torpağa dair 15 ədəd hərbi əmrin verilməsi məlum olub. Bunların 14-ü yol infrastrukturunun genişləndirilməsi və yenilərinin açılmasına xidmət edib.