İraq 20 il sonra rekord səviyyədə neft daşıdı

News.ru yazır ki, İraq neft daşıma şirkəti ilk dəfə 20 il sonra supertanker vasitəsilə 2 milyon barel xam nefti Ormuz boğazının hüdudlarından kənara çıxarıb.

Şirkət VLCC tipli böyük tanker təmin edərək bu həcmi daşımaq bacarığını nümayiş etdirib.

Şirkətin başçısı Ali Keis bildirib ki, bu praktik addım dövlətin SOMO neft marketinq şirkətinə xam neftin satış imkanlarını artırmaq və daha sərfəli qiymət formalaşdırmaq imkanı verəcək.

Hökumət neft daşıma müəssisəsinin bölgənin analoji şirkətləri ilə rəqabət apara bilməsi üçün xüsusi tanker almaq imkanlarını tezliklə araşdırmağı tapşırıb.

Eyni zamanda, Ormuz boğazında baş vermiş ikinci partlayışda daha bir neft tankerinin zərər çəkdiyi xəbər verilib. Tanker dəniz yolu keçid qaydalarını pozaraq izləmə sistemlərini söndürüb.