İran rəsmisi: ABŞ konqres seçkilərini keçirənədək hərbi münaqişəyə girməyəcək

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

İranda ABŞ-də konqres seçkiləri keçirilənədək ABŞ-nin hərbi əməliyyatları bərpa etməyəcəyinə inanılır.

"Report" İRNA-ya istinadən xəbər verir ki, bunu İran İslam Şurası Məclisinin Milli Təhlükəsizlik və Xarici Siyasət Komissiyasının üzvü Əlaəddin Brucerdi deyib.

O, Hörmüz boğazına nəzarətin İranın dəyişməz siyasəti olduğunu bildirib.

"Məncə, amerikalılar konqres seçkilərini keçirənədək prinsip etibarilə kəskin hərbi və əməliyyat mərhələsinə keçməyəcəklər. Lakin belə bir addım atsalar da, İran İslam Respublikasının silahlı qüvvələri və xalq tam hazırdır. Hörmüz boğazı İran İslam Respublikasının nəzarətindədir və mövqelərimizdən geri çəkilməyəcəyik", - Brucerdi vurğulayıb.