İran prezidenti iqtisadi təzyiqin artdığını açıqlayıb

Anadolu Ajansı yazır ki, İran prezidenti Məsud Pezeşkiyan ABŞ və İsrailin İran iqtisadiyyatına təzyiq göstərərək xalq üzərində təsir yaratmağa çalışdığını deyib.

Pezeşkiyan iqtisadi təzyiqin artdığını vurğulayaraq, Allahın köməyi, xalqın dəstəyi və hökumətin səyləri sayəsində düşmənin iqtisadi müharibədəki məqsədlərinə çatmasına imkan vermədiklərini bildirib.

Bundan əlavə, hökumətin fövqəladə vəziyyətləri idarə etmək üçün yeni təşkilat yaratdığını açıqlayıb.

Eyni zamanda, İranda dolların sərbəst bazardakı satış qiyməti tarixi rekord olaraq 269 min tümənə çatıb.