Husilər Səudiyyəyə qarşı əks-hücumlar keçirib

News.ru yazır ki, Yəmənin Husilər hərəkəti "Ənsar Allah" adı ilə tanınan qrup Səudiyyə Ərəbistanında beynəlxalq Riyad hava limanı və Saudi Aramco neft emalı zavoduna zərbələr endirib.

Husilərin hərbi nümayəndəsi Yahya Saria sosial şəbəkələrdə bildirib ki, hücumlarda ballistik və qanadlı raketlərdən, həmçinin pilotsuz uçuş aparatlarından istifadə olunub.

Nəticədə, Rabigdəki neft emalı zavodunda yanğın baş verib, Riyad hava limanında hava əlaqəsi müvəqqəti dayandırılıb. Bundan başqa, Abha hava limanı, Hamis-Müşayta aviabazası və Nadjranla Cizan bölgələrində digər obyektlər də hədəfə alınıb.

Yahya Saria beynəlxalq aviaşirkətləri Səudiyyə hava məkanı üzərindən uçuşlardan çəkindirməyə çağırıb. O vurğulayıb ki, krallığın hava sahəsi "hərbi əməliyyat teatrı" olub, sadəcə Məkkə və Mədinə şəhərləri uçuşlara açıqdır.

Daha əvvəl Husi hərəkəti "Ənsar Allah" Yəmənin cənub-qərbində prezident şurasının rəhbəri Rişad əl-Əliminin yaşadığı evə və Töiz əyalətində iki rayona nəzarəti ələ aldığını açıqlayıb.